Partia opozitare maqedonase OBRM-PDUKM, sot përmes një komunikate për media thekson se politika e MPB-së për të konfiskuar makinat që parkohen në vende të gabuara, bëhet me prapavijë politike.
Ish-partia në pushtet vlerëson se LSDM po përpiqet që të bindë qytetarët se “merimangat” po i sulmojnë punonjësit e policisë, ndërkohë që sipas tyre, një djalë i ri është therur me thikë dhe është në gjendje kritike.
“Krime, zhvatje dhe dhunë mbretëron në rrugë dhe Ministrinë e Brendshme mbyllë njërin sy. Kriminelët amnistohen, ka fundosje ekonomike. Varfëria dhe papunësia janë në rritje. Të hollat, në vend të projekteve kapitale shkojnë në xhepat e zyrtarëve të LSDM-së”, thonë nga OBRM-PDUKM.
Ata gjithashtu vlerësojnë se kjo është një përpjekje e turpshme për të fshehur faktin se partia në pushtet po kryen një politikë të persekutimit ndaj kundërshtarëve të saj politik.
