Rritet numri i sulmeve nga qentë endacak në Dibër. Muajve të fundit janë evidentuar dhjetëra raste të kafshimeve nga qentë endacak, ndërsa rasti i fundit është regjistruar dje në lagjen Venec 1.
Sipas SPB Ohër, dje është sulmuar R.M (67) nga Dibra nga dy qenë endacak dhe ka përfunduar në Spitalin e Përgjithshëm të Dibrës.
“E sulmuara ka marrë lëndime në të dy këmbët dhe pas ndihmës në Spitalin e Dibrës, për shkak të lëndimeve të rënda është dërguar në Spitalin e Ohrit për kurim të mëtejshëm”, thonë nga policia.
Para disa mujave pati edhe viktimë nga kafshimi i qenve endacak, ku ndërroi jetë një grua nga fshati Ballanci.
