Xehetarët e minierës “Sasa” në Kamenicën maqedonase do të bisedojnë me udhëheqësinë e minierës për rritjen e rrogave, përmirësimin e kushteve për punë, si edhe rregullimin e stazhit pensional.
400 xehetarët e shprehën pakënaqësinë e tyre para një muaji kur realizuan një grevë treditore, kur edhe i dorëzuan kërkesat e tyre te udhëheqësia.
Dragi Jovanovski, kryetar i sindikatës në “SASA”, bëri të ditur se udhëheqësia nuk ka dashur që të takohet me xehetarët, por me ndërhyrjen e Qeverisë, është caktuar një takim në këtë javë.
Jovanovski paralajmëron se do të ketë grevë tjetër, nëse kushtet e tyre nuk plotësohen.
