Nga partia politike “Maqedonia e Vetme” thonë se kanë arritur të arrijnë në një anketë e cila, siç thonë ata, e ka porositur Qeveria e Zoran Zaevit, dhe që tregon se 91% e të anketuarve janë kundër hyrjes në NATO, ndërsa 80% e qytetarëve do ta bojkotojnë referendumin.
“Rezultatet nga ky hulumtim Qeveria i fsheh, ndërsa në publik lëshoi anketë të rreme përmes Qendrës ndërkombëtare për bashkëpunim ndërkombëtar, Agjencia ‘M-Prospekt’ e cila është në shërbim të LSDM-së që kur ishin në opozitë, ndërsa Zaevi në atë kohë dy herë ka fituar dhuratë nga ata për të ashtuquajturin menaxher më i suksesshëm të Evropës jug-lindore dhe televizioni ‘Telma’, me sigurimin e përkrahjes së propagandës”, thuhet në kumtesën e kësaj partia.
Nga “Maqedonia e Vetme” thonë se Qeveria Kukull në Shkup duhet të jetë e dëshpëruar pasi që lëshon anketa të reme për të nisur luftë speciale para referendumit të 30 shtatorit.
“Bojkotimin e referendumit asgjë nuk mund ta ndalojë. Procesi ka nisur, me guxim, vendosshmëri në interes të popullit, sepse, populli maqedonas dhe pjesa më e madhe e qytetarëve të Maqedonisë nuk duan të fshihen nga harta e botës së komeve”, thuhet në kumtesën e kësaj partie.
