Në rrëfimin e tij të jetës në Big Brother VIP Kosova Stresi i ka dhënë merita të jashtëzakonshme Florit për impaktin që ai kishte jo vetëm në jetën personale, por edhe atë profesionale.
I përlotur gjatë rrëfimit të tij në BBVK, Stresi tha se Flori ishte i vetmi që ia zgjati dorën në momentet më të vështira në jetën e tij.
Pas kësaj, Flori ka reaguar me një postim në llogarinë e tij në Instagram duke treguar edhe një herë mbështetjen e tij për rep artistin.
Kjo nuk është hera e parë që Stresi përmend Florin dhe e falënderon publikisht. Në fillimet e tij të aventurës brenda shtëpisë së Big Brother, një bisedë me Alisën ai u shpreh se çelësi i suksesit të tij është Flori Mumajesi.
“Isha në rrugë duke bërë muzikë të keqe dhe ai më mori nga rruga dhe më tha se kështu bëhet muzika’, u shpreh Stresi asokohe.
