Nate e parë gjysmë finale e Këngës Magjike u hap me këngën fituese të edicionit të vitit të kaluar ‘Akoma jo’, të Aurela Gaçes, të cilën e performoi aktorja Elia Zaharia Zogu, së bashku me producentin e këtij festivali Ardit Gjebrea.
Ndërsa këngëtarja e cila ka emocionuar gjithmonë me performancat e saj në festivalin e KM, Aurela Gaçe, që po atë ditë u bë nënë për herë të dytë , duke sjellë në jetë vogëlushen e saj, ka zgjedhur sot të falënderojë Elian dhe Arditin për urimin që i përcollën nga skena gjigante e KM si dhe të gjithë ata që kanë uruar këngëtaren.
'Nga t’ja nis më parë? Dua ta nis ditën me një lutje për gjithë ato çifte që presin të bekohen me një femije. Lutem lutem me shpirt. ..
Atë dite isha shumë e lodhur, por di që ndjeva një emocion kaq të bukur kur pashë këtë urim nga skena , kaq njerëzor ky moment.
Nuk ndodh përdite që te hap një Festival , të më duhet të jem në skenë e në të njejtën kohë të sjell në jetë një jetë. E për Abigail do të jetë një kujtim kaq i bukur. Faleminderit Elia & Ardit për këtë dhuratë kaq të ndjerë.
Dua t’ju falenderoj të gjithëve ju për një lume urimesh , jam mahnitur nga gjithë dashuria juaj. Megjithëse në rrjetet sociale ne nuk njihemi personalisht, ju përsëri me keni falur nga koha juaj me gjithë këto urime kaq dashamirëse..
Dua shumë t’ju uroj me shpirt të keni bekime e shumë shumë dashuri në familjet tuaja. Nese edhe ju keni pasur lindje fëmijësh këto ditë , dua t’ju uroj që të rriten pranë prindërve . Faleminderit miqtë e mi e familjare. Telefoni u ndez flakë nga mesazhet e bukura. Kjo dashuri për mua vlen me shumë se çdo dhuratë.”- shkruan Aurela në rrjete sociale.
