Këngëtari Shpat Kasapi, mesa duket ka lënë mënjanë mikrofonin për t’u fokusuar më shumë tek kamera. E themi këtë sepse së shpejti Shpatin do e shohim në rolin e aktorit, por kjo nuk do të thotë se nuk do të këndojë më.
Xhirimet e filmit janë kryer në të gjithë Evropën, ndërsa kanë përfunduar para pak ditësh në Stamboll të Turqisë. Gjithashtu është bërë e ditur se pjese e filmit “Jeto ndryshe” në regji të Drilon Hoxhës është edhe aktori i njohur Enver Petrovci.
Në disa fotografi të publikuara së fundmi në rrjetet sociale, Shpati shfaqet përkrah aktorëve të këtij filmi në përfundim të xhirimeve në Stamboll.
