Aktorja e njohur me prejardhje shqiptare, Eliza Dushku ka lansuar dokumentarin e saj për Shqipërinë.
Vetë aktorja ka shkruar në profilin e saj në Facebook duke bërë të ditur këtë lajm.
“Ky shtet i vogël, me zemër të madhe ka kaluar dekada të tëra i izoluar nën komunizëm. Ne jemi shumë të emocionuar që kemi arritur që me dokumentarin tonë të eksplorojmë kulturën e jashtëzakonshme, historinë, dhe kohët moderne të shqiptarëve”, ka shkruar Dushku.
Poshtë përshkrimit, aktorja ka postuar edhe një fotografi ku shihet e veshur me të kuqe derisa me duar bën formën e shqiponjës.
Ky dokumentar që mban emrin “Dear Albania” është xhiruar kohë më parë në Shqipëri.
