Këngëtari shqiptar Meti Bërbatovci për momentin është duke kaluar pushimet e tij në Peniche të Portugalisë, vend ky mjaft i frekuentuar nga turistët e huaj për shkak të plazhit karakteristik që ka. Meti ka zgjedhur pikërisht këtë vend për shkak se i është rekomanduar nga miqtë e tij të cilët më parë kanë kaluar pushimet atje.
Duke lënë anësh angazhimet muzikore pas projektit të fundit 'Sinjorita' që realizoi pak javë më parë, Meti ka vendosur të shijojë ditët e relaksit atje, ndërkohë që e mira e gjithë këtij pushimi është se në këtë qytet ai ka bërë për vete një biznesmene mjaft të njohur e cila i është vardisur Metit gjatë gjithë kohës.
Sipas asaj që tregon këngëtari, ajo nuk i ndahet aspak atij duke dashur që secilin moment të kalojnë së bashku.