La violinisten për Klaudian, si nisi historia e dashurisë së çiftit që u divorcuan sëfundmi - Bota Sot
La violinisten për Klaudian, si nisi historia e dashurisë së çiftit që u divorcuan sëfundmi

Mediale Vip

E premte, 20 tetor 2017

La violinisten për Klaudian, si nisi historia e dashurisë së çiftit që u divorcuan sëfundmi

Më: 23 shtator 2017 Në ora: 17:10
Albi Nako dhe Klaudia

U njohën në paskuintat e televizionit, u celebruan në ekran gjatë programit “E diela shqiptare” në korrik të 2013, dhe kanë një vit të ndarë. Albi Nako, koreografi i njohur i trupës së baletit në TV “Klan”, pas një viti thashethemesh, theu heshtjen në emisionin “Rudina”, ku rrëfeu divorcin nga balerina Klaudia Pepa, e cila tashmë është vendosur të vazhdojë karrierën e saj në Itali.

Ndërsa ishte i ftuar në emisionin “Rudina”, në ekran u transmetua surpriza që balerina i bëri në emision, ku ndër të tjera e quajti “maestro” dhe “vëllai i madh”. Mesazhi i saj e preku vetë Albin, i cili kur pa ish-gruan të qeshur në monitor, nuk i përmbajti lotët dhe u shpreh se, pavarësisht arsyes së divorcit, do ta mbajë Klaudian në zemër gjithë jetën.

Fillesat e historisë

Por si nisi historia e Albit me Klaudian, nxënësen e babait të tij të njohur Llaqi Nako në fillim, e që më pas u bë balerina e trupës dhe partnerja në skenë e në jetë e Albit? Të gjithë e kujtojnë për herë të  parë si partneren e Albi Nakos në klipin e tangos me titull “Dashurisë”, ku gjithçka, lloji i kërcimit, interpretimi, muzika, atmosfera e kostumet e balerinëve, i kushtoheshin kësaj ndjenje.

Videoja me muzikë të Flori Mumajesit dhe regji të Ardit Roshit sillte një kërcim pasionant të çiftit të veshur me ngjyrën e kuqe të dashurisë. Por ata nuk ishin personazhet e vetëm të klipit, pasi në video ishte një personazh i tretë, pikërisht violinistja që shoqëronte lëvizjet e çiftit, duke luajtur në instrument. Në atë kohë u fol se vajza me tiparet gështenjë ishte pikërisht ish-partnerja e Albit, nga e cila ai do të ndahej më vonë, për të deklaruar si partnere të re Klaudia Pepën.

Nuk dihet se kur përfundoi ndjenja për instrumentisten dhe kur nisi për balerinën, por interesant është fakti që ky është klipi ku Albi i ka dy ish–et e tij në të njëjtin projekt, dedikuar ndjenjës së dashurisë, shkruan Panorama.

Atëherë klipi në fjalë bëri bujë për faktin se asnjë balerin deri në atë kohë nuk kishte lançuar një klip. Klaudia dhe Albi kërcenin për dashurinë si ndjenjë që duhej vlerësuar, por më vonë kjo nuk ishte më një ndjenjë që thjesht duhej interpretuar në skenë nga ata, pasi nisën ta jetonin në realitet me celebrimin.

“Ngjitja jonë ishte dhe erdhi në mënyrë kimike. Doja të theksoja që gjestet tona erdhën në mënyrë të harmonizuar”, citohet të jetë shprehur Klaudia në një nga intervistat e saj pas klipit dhe para se të ngjitej në altar e veshur nuse.

Komentet
comments powered by Disqus
Sot mund të lexoni Shfletoni kopertinat
Sondazh
    test