Fytyrat publike i kushtojnë rëndësi të madhe paraqitjeve publike, andaj gjithmonë për look-un e tyre kujdeset dikush që është profesionist në grim dhe rregullimin e flokëve.
Rëndësi paraqitjeve publike i kushton edhe moderatorja Luana Vjollca, e cila është shumë e komentuar në mediet rozë.
Pas martesës së motrës së saj, Marinës, ajo udhëtoi bashkë me të dhe Getin për në Xhamajka ku pushoi për disa ditë.
Tashmë pushimet kanë mbaruar dhe Luana i kthehet punës, meqenëse është rikthyer në muzikë me këngën ‘Benzina’ ajo po angazhohet nga pak edhe nëpër mbrëmje muzikore.
Mbrëmë ishte e pranishme në Luzern të Zvicrës dhe grimin dhe rregullimin e flokëve për koncert e bëri me duart e saj, për të cilën gjë ndiehej krenare.