Shumicës së njerëzve u ka ndodhur të zgjohen në mëngjes pas një nate të shfrenuar në diskotekë me probleme të kujtesës – të shkaktuara pikërisht nga alkooli.
Prandaj, nuk është çudi se titulli mund t’ju befasojë – konsumimi i alkoolit faktikisht mund t’ju ndihmojë në përmirësimin e kujtesës.
Sipas një studimi të ri nga Universiteti Exeter, njerëzit të cilët pinë alkool pas mësimit të informacioneve të ndryshme janë më të mirë në mbajtjen mend e asaj çfarë kanë mësuar.
Këtë konstatim e kanë arritur hulumtuesit pasi kanë kërkuar nga 88 njerëz të kryejnë eksperimente të ndryshme.
Sidoqoftë, hulumtuesit thonë se ky efekt i vogël pozitiv i konsumimit të alkoolit nuk do të thotë se i lë mënjanë efektet negative të kësaj substance, pasi që, siç dihet, alkooli sjellë shumë efekte të dëmshme në shëndetin mendor dhe fizik të njeriut.
