Telefoni i ardhshëm i Huawei nova 2 ka marrë certifikatën TENAA në fillim të majit. Edhe pse 26 maji është data kur telefoni do të prezantohet zyrtarisht, sot dihen shumica e specifikave.
Huawei nova 2 do të ketë ekran 5,2 inç Full HD dhe çip HiSilicon Kirin 658.
Kamera për selfi e telefonit ka 20 MP, derisa nga mbrapa do të gjendet kamera e dyfishtë me një sensor prej 12 MP dhe tjetri prej 8 MP.
Po ashtu, do të ketë vend edhe për skanerin e gishtërinjve dhe bateri prej 3000 mAh.
Çmimi i telefonit është 362 dollarë, por ende nuk dihet kur do të dalë në treg.
