Deri më tash është konfirmuar se telefoni OnePlus 5 vjen kësaj vere. Pete Lau, CEO i kompanisë OnePlus, deri më tash ka publikuar një reklamë të pajisjes, por nuk ka pasur informacione zyrtare për karakteristikat e telefonit.
Gjërat kanë ndryshuar dhe duket se OnePlus është i gatshëm të nisë kampanjën e reklamave për telefonin e ardhshëm premium.
Publikimi i parë zyrtar që i përket telefonit OnePlus është këtu dhe kjo nuk paraqet kurrfarë befasie, pasi është konfirmuar se telefoni do të ketë çipin Qualcomm Snapdragon 835.
Kjo nuk paraqet befasi, pasi një gjë e tillë vetëm se është pritur, bazuar në informacione të shumta që kanë rrjedhur për telefonin.
Po ashtu, OnePlus tashmë e ka bërë tradicionale që për telefonat e vet premium të përdorë çipat më të ri Qualcomm.