Një mjeke nga Spanja e quajtur, Lina Alvares, ka sjellë në jetë një vajzë të shëndetshme në moshën 62 vjeçare.
Ajo me këtë rast i ka dërguar edhe një mesazh inkurajimi të gjitha moshatarave që ta ndjekin shembullin e saj, nëse duan që të lindin fëmijë.
Ky është fëmija i saj i tretë dhe Alvares thotë se ndihet mirë.
62 vjeçarja ka përdorur metodën e mbarësimit artificial për të mbetur shtatzënë.
Ndërkaq, vajza ka lindur me prerje cezariane dhe peshë 2.4 kilogram më 10 tetor në një spital në qytetin Lugo, raporton Associated Press.
Fëmija i parë i Alvares, e cila tani ka 27 vjet, ka lindur me paralizë cerebrale, ndërsa fëmija i dytë i saj tani është 10 vjeçar.