Ky është momenti tronditës kur një përleshje grushtesh shpërtheu në rreth 11 mijë metra lartësi, gjë që kishte detyruar aeroplanin të bënte një ulje emergjente.
Siç shkruajnë mediat e huaja, pamjet dramatike në bordin e fluturimit të “Middle Eastern Airlines” nga Bejruti tregojnë dy burra duke u zënë para se të nisin një rrahje të furishme duke krijuar kaos në bord.
Pasagjerët dhe stafi u afruan aty duke u përpjekur për të ndërhyrë dhe për të ndaluar “luftën” që kishte nisur.
Videoja e bërë nga një telefon celular në fund tregon dy burrat, duke u tërhequr dhe detyruar të largoheshin nga njëri-tjetri.
Sipas njoftimeve në internet, përcjell Telegrafi, përleshja u zhvillua të mërkurën gjatë një fluturimi nga Aeroporti Ndërkombëtar i Bejrutit, dhe se aeroplani u detyrua të bënte ulje emergjente në Stamboll.
Sherri besohet të ketë filluar kur një pasagjer u përfshi në një mosmarrëveshje me një stjuardesë.
Pasagjeri tjetër thuhet se ishte “angazhuar” në mbrojtjen e saj, gjë e cila edhe kishte nxitur përleshjen.
