Një 12-vjeçar ka përfunduar në prangat e policisë së Nju-Jorkut, pasi kërcënoi me armë një vajzë e cila refuzoi t’i jepte një pjesë nga ushqimi i saj.
Autoritetet përkatëse kanë deklaruar se djali i kishte kërkuar vajzës që t’i jepte mishin e pulës së saj, në një nga dyqanet e McDonalds. Pasi ajo e kishte refuzuar, 12vjeçari e ka ndjekur atë deri në stacionin e metrosë, duke i vendosur armën në kokë.
Policia ka sqaruar se vajza kishte arritur që ta shtynte djalin dhe të hipte në tren pa u lënduar.
Në lidhje me këtë ngjarje, djali u mbajt një ditë në paraburgim dhe u liria një ditë më pas, në momentin kur policia arriti që të gjente armën dhe vërtetoi nëse ajo ishte e vërtetë apo lodër.