Nxënësja 13-vjeçe Bettany Fitton është gjetur e varur në shtëpinë e saj, ku në dorë kishte pasur një letër në të cilën shkruante “urrej vëllanë tim”, me të cilin sipas hetuesve ishte grindur para se të ndërmerrte këtë veprim të tmerrshëm.
Bettanyn nga Britania e Madhe e ka gjetur vëllai i saj 18-vjeç Ben, pasi që dyshja ishin grindur sepse nuk e kishte zgjuar nga gjumit për të shkuar në punë.
Vëllai i saj kishte bërë gjithçka që ta rikthejnë në jetë para se të arrinte ndihma e shpejtë. Por, Bettany disa ditë më vonë ka ndërruar jetë në spital.
Në gjykatën e Bradfordit është thënë se adoleshentja shpesh shprehej duke shkruar letra të ndryshme, dhe që atë ditë të kobshme kishte shkruar në shkollë me plastelinë “urrej vëllanë time”.
Pasi kishte përfunduar orën e fundit të mësimit, ajo ishte takuar me të dashurin e saj dhe kishin dalë për shëtitje në një park dhe më pas kishte hipur në autobus për shtëpi.
Me të mbërritur në shtëpi, nëna e saj Estel Fitton e kishte pritur të bijën me një filxhan me qaj, të cilin së bashku me drekën e dërgoi në dhomën e saj ku po dëgjonte muzikë.
Por pas një orë e gjysmë kishte mbërritur në shtëpi vëllai i saj Ben, kurse kur nëna e urdhëroi që ta dërgojë një shportë me rroba në katin e dytë.
Ai kaloi pranë dhomës që Bettanys, ku mbeti i shokuar kur e pa se ajo po qëndronte e varur. Menjëherë e kishte zbritur në tokë dhe i kishte dhënë frymë artificiale ku pas disa sekonda u shfaq edhe autoambulanca.
Por, as intervenimi i tyre duket se nuk bëri punë, pasi ajo vdiq tri ditë më vonë në spital.
Hetimet e kryera kanë treguar se vogëlushja kishte pësuar sulm në zemër pasi ishte varur në litar, ku si pasojë e mungesës së oksigjenit në tru ka ardhur deri tek sulmi ne zemër.
Ndërkaq, vëllai i saj Ben i ka thënë policisë së shpesh janë grindur rreth “gjëra të parëndësishme dhe të vogla”.
