Shumica prej nesh shkojmë në punë me veturë, autobus, tren apo edhe në këmbë, por Benjamin Davis në punë shkon duke notuar përgjatë lumit Isar të Munihut
Ai thotë se nëpërmjet kësaj metode ai i ik trafikut të dendur dhe stresit që sjell rruga e stërmbushur e qytetit.
Laptopin dhe rrobat i vendos në një çantë të pa përshkueshme nga uji, dhe noton 2 kilometra çdo ditë për në punë.
Varësisht nga moti ai vesh rroba banje të gjata apo te shkurta dhe një palë sandale të gomës, për t’i ruajtur këmbët nga xhamat që gjinden përgjatë shtratit të lumit.
Ai ka thënë se kjo mënyrë e transportit është më e shpejt dhe shumë relaksuese për të.