Me 17 Shkurt 2024 Kosova mbush 16 vjet nga shpallja e pavarësisë. Sot kur po e shkruaj këtë shkrim një ditë para Festës së Pavarësisë së Kosovës vërehet se sa shumë është larguar në këtë vit Shqipëria nga Kosova.Askund pothuajse deri sot nuk dëgjon dhe as nuk mund të lexohet ndonjë rresht ne gazetat e Tiranes për Pavarësinë e Kosovës, kurse në Kosovë një muaj para 28 Nëntorit , Ditës së shpalljes së pavarësisë atje ndjehet atmosfera e Festës së Pavarësisë, lartësohet e vendoset kudo Flamuri i Shqipërisë dhe dynden mijra e mijra kosovarë për ta festuar Ditën e Flamurit në Shqipëri, dhe madje edhe për Festën e Pavarësisë së Kosovës shqiptarët nga Kosova vijnë dhe e festojnë në Shqipëri, kurse nga Shqipëria shumë pak e festojnë Pavarësinë e Kosovës.
Në Shqipëri shumë rrallë ndokund mund ta shikosh flamurin e Kosovës në Ditën e Pavarësisë së saj.Dhe jo vetëm këto, por sot pikërisht në këtë përvjetor të 16-të të Pavarësisë së Kosovës kudo nëpër studiot televizive, në deklarime nëpër emisione televizive dhe gazeta nga intelektualë,politikanë e gazetarë ka kritika ndaj qeverisë dhe Albin Kurtit pse ai po mbron dhe po lufton për forcimin e konsolidimin e sovranitetit të Kosovës kundër diversionit dhe angazhimit maksimal politik, akademik, fetar, diplomatik, banditesk e terrorist, ushtarak dhe mediatik të Serbisë kundë Kosovës, ku në këtë betejë të Kosovës me Serbinë Tirana politike, jo vetëm pushteti por edhe opozita, shoqëria dhe të gjitha mediat pothuajse e kanë lënë vetëm sot Kosovën, dhe maje edhe jo pak tyre hapur janë kundër politikës së sovranitetit.
Po të shikosh e analizosh me vëmëndje ajo se cfarë bëhet e deklarohet në mediat e Tiranës, sot vërehet një idiotësi e jashtëzakonshme që në pyetjet e drejtuesve të emisioneve e po ashtu edhe në përgjigjet sipërfaqësore , të pa thelluara dhe aspak të interesuara të atyre që ftohen në ato emisione për të qenë në anën e duhur , pra me Kosovën.
Vërehet te shumica e mediave të Tiranës që antikosovarizmin e tyre e mbulojnë me finesë duke cituar vetëm deklaratat e ndërkombëtarëve të atyre që janë kundër Kosovës dhe jo të atyre që mbështesin fort sovranitetin e Kosovës.
Dhe kjo ndodh pikërisht ashtu si bëjnë mediat dhe propaganda e Beogradit.
Cilado politikë që t’a ketë pushtetin në Kosovë, kur ajo punon për interesin e Kosovës për të mbrojtur dhe forcuar sovranitetin, territorin, Ligjin dhe Kushtetitutën ajo duhet të mbështetet nga Tirana sepse interesi kombëtar është mbi atë politik e partizan për pushtet.
Kosova është shtet sovran dhe i pavarur.
Sovranitet do të thotë kontroll shtetëror në mënyrë kapilare në të gjitha fushat dhe aspektet shtetërore e juridike të një vëndi; sovraniteti është forca dhe fuqia e Republikës së Kosovës. Sovranitet do të thotë mosvarësi nga të huajt, vetëvendosje dhe reciprocitet në marrëdhënie me shtetet dhe institucionet ndërkombëtare.
Kushtetuta e mbron dhe tregon si ushtrohet sovraniteti.
Kosova si shtet i pavarur ka të drejtë absolute që në mënyrë të lirë e të pavarur dhe sipas Ligjit e Kushtetutës që të vendosë vetë pa iu nënshtruar asnjë lloj pushteti të korruptuar dhe asnjë lloj vullneti dhe imponimi të huaj; shteti sovran ka të drejtë të pavarur për të marrë vendime për mbrojtjen, forcimin dhe konsolidimin e pavarësisë,sigurisë dhe ushtrimin e sovranitetit mbi territorin.
Cdo masë apo vendim që merret nga qeveria e Kosovës në zbatim të sovranitetit është mëse e ligjshme dhe e justifikueshme për një shtet sovran dhe të pavarur sic është Kosova.
Ndryshe: ata politikanë, pushtetarë dhe media shqiptare që mendojnë dhe deklarohen në të kundërt, pra ata të cilët shohin shkurt dhe vetëm për interes personal ,atyre nuk u bëhet vonë për sovranitetin shtetëror dhe janë gati që për interes personal edhe të japin e të falin nga sovraniteti i shtetit. Disa nga ata nuk e kanë haberin se cfarë është sovraniteti shtetëror,disa janë të korruptuar dhe nuk u intereson interesi kombëtar, dhe disa edhe bëjnë punën e mercenarit të parasë së huaj.
Askujt nuk i lejohet që për interesa politike e personale që të devijojë nga parimet e sovranitetit.
SHBA-të si aleati më i madh strategjik i shqiptarëve po ndihmon Shqipërinë në luftë kundër korrupsionit, dhe se SHBA-të korrupsionin e shohin si kërcënim të madh të sovranitetit të Shqipërisë.
Pra SHBA mbështesin sovranitetin e Shqipërisë.
Ndërsa për Kosovën kërcënimi me i madh për sovranitetin e Kosovës janë Serbia e Rusia me planet e tyre për coptimin e ndarjen e Kosovës, është krijimi i Bashkësisë së Komunave me shumicë serbe, është dhe janë strukturat paralele serbe , është qarkullimii dinarit serb kundër euros , janë bandat e armatosura serbe, eshte kercenimi ushtarak i Serbise etj.
Këto i dinë shumë mirë ndërkombëtarët.
Dhe SHBA-të bashkë me aleatët e tjerë të Kosovës e mbështesin forcimin e sovranitetit të Kosovës, sepse dhe përderisa ato mbështesin në Kosovë demokracinë, luftën kundër korrupsionit, sundimin e ligjit dhe zbatimin e Kushtetutës së Republikës së Kosovës, dhe për të cilat po punon shumë më mirë Kurti se sa paraardhësit e tij.
