Kryetari i Komunës së Istogut, Haki Rugova priti sot në takim zëvendësministrin e Administrimit të Pushtetit Lokal, Bajram Gecaj me të cilin biseduan lidhur me përfundimin e projektit të ndërtimit të ujësjellësit në fshatrat Cerrcë, Lubozhdë dhe Prigodë ku sot u bë edhe inaugurimi i këtij projekti.
Kryetari Haki Rugova, falënderoj zëvendësministrin për vizitën dhe u shpreh se ky është projekti i parë që po realizohet në këtë formë të bashkëpunimit mes komunës dhe Ministrisë së MAPL-së, jam mjaft i kënaqur se është një projekt që ka filluar më kohë dhe ka mbaruar me sukses. Kemi vlerësuar që edhe qytetarët janë mjaft të kënaqur këto fshatra kanë pasur ujësjellës i cili ka pasur vështirësi me furnizim dhe tash kanë një formë tjetër të furnizimit dhe atë në mënyrën me të mirë. Pres përkrahjen e mëtutjeshme të Ministrisë për projektet edhe për vitin e ardhshëm.
Ndërkaq zëvendësministri Bajram Gecaj falënderoj kryetarin Haki Rugova për pritjen që ju bë sot. Ne sot kemi ardhur këtu nga MAPL-ja për një projekt të përbashkët me komunën e Istogut, Ministria jonë ka çdo vit 3 deri në 4 milion euro investime në projekte të cilat shpërndahen në të gjitha komunat e Kosovës, këtu kemi bërë një projekt të mirë dhe është një projekt i realizuar shumë mirë. Ky është një ndër projektet e realizuara më së miri në Republikën e Kosovës, ne do të vazhdojmë ti përkrahim komunat në vazhdimësi u shpreh ndër të tjera zëvendësministri Gecaj.
Ndërtimi i ujësjellësit në fshatrat Cerrcë, Lubozhdë dhe Prigodë të komunës së Istogut është përkrahur nga fondi për Zhvillim të Infrastrukturës Ekonomike dhe Sociale në Komunat e Republikës së Kosovës.
Vlera e projektit është 82,079.70 euro financim i MAPL-së.
