Financat e partive politike në Kosovë, ende janë enigmë. Asnjëra prej forcave politike, deri më tani nuk ka ofruar transparencë, në lidhje me financat. Shoqëria civile dhe mediat herë pas here e kanë vënë theksin dhe kanë hedhur dyshime, se paratë e pista të nëntokës, janë burim financiar për partitë politike.
Mirëpo, këto dyshime nuk i kanë shqetësuar partitë politike por as edhe Prokurorinë e Shtetit.
Janë bërë gati tri vjet tashmë, që partitë politike që veprojnë në Kosovë, nuk janë audituar. Një gjë e tillë është në kompetencë të Kuvendit të Kosovës, përkatësisht e Komisionit për Mbikëqyrjen e Financave Publike.
Por, Kuvendi ka dështuar për tre vite të përzgjedhë auditorë për të audituar financat e subjekteve politike. Më herët nën zë, nga Komisioni për Buxhet dhe Financa Publike, është akuzuar sekretaria e Kuvendit, pasi ka pretendohet se ka çuar në dështimin e auditimit, ndërsa nga ana tjetër, Sekretaria e Kuvendit, është justifikuar, dukë thënë se gjithçka është nën kompetencë të komisionit.
Ndërkaq, njohësit e çështjeve juridike, patën lëshuar alarmin, pasi auditimin e vlerësonin si të domosdoshëm në mënyrë që qytetarët e Kosovës të kuptojnë se cilat janë financat e partive politike.
(Tekstin e plotë mund ta lexoni të Marten në publikimin e shtypur të gazetës kombëtare “Bota sot”)
