Involvimi politikës ka çuar në degradimin e drejtësisë. Politikanë të korruptuar dhe të inkriminuar në vitet e pasluftës, kanë emëruar drejtues gjykatash dhe prokurorish apo edhe gjyqtarë e prokurorë, në mënyrë që ata t‘ua shpërblejnë , duke i amnistuar nga hetimet dhe gjykimet. Në këtë mënyrë, përveçse u shkatërrua sistemi i drejtësisë, mori hov dhe krimi i organizuar dhe korrupsioni.
Oligarkia korruptive e kriminale në bashkëpunim me pushtetarët e inkriminuar i shndërruan gjyqtarët dhe prokurorët, në avokatë të tyre, të cilët bllokonin aferat korruptive e kriminale.
Faktet se sistemi i drejtësisë, është i kapur nga politika shpeshherë janë bërë prezente, mirëpo politikanët gjejnë guximin e deklarohen për drejtësi të pavarur. Publikimi i aferës së përgjimeve apo siç njohet ndryshe skandali “Pronto 2”, tregoi se si politika manipulon me sistemin gjyqësor dhe prokurorial. Dalja në dritë e përgjimeve, ku zbardhej komunikimi i zyrtarëve të lartë të Partisë Demokratike, faktoi se si bëhen emërimet në sistemin gjyqësor dhe prokurorial dhe kjo në rangje të larta.
Por, edhe në raportet ndërkombëtare sistemi i drejtësisë në Kosovë është kritikuar për funksionimin problematik të tij, dhe është cilësuar si një sistem i “zhytur në korrupsion”. Sipas njohësve të sistemit të drejtësisë në Kosovë, drejtësia në vend është e politizuar dhe rrjedhimisht drejtësia ndahet varësisht se si apo sa u konvenon atyre.
Por, sipas ish Ministrit të Drejtësisë dhe tashmë zëvendëskryeministrit Hajredin Kuçi, sistemi i drejtësisë është i pavarur. Se kë kërkon të gënjejë, Hajredin Kuçi dhe t ‘ia mbyllë sytë për ditën me diell, vetëm ai e di.
(Tekstin e plotë mund ta lexoni të Pemten në publikimin e shtypur të gazetës kombëtare “Bota sot”)
