“Serbia po punon me dy anë. Politikisht duke befasuar gjoja në Bruksel për stabilitet në rajon dhe në drejtim të krijimit të gjendjes faktike për ndarjen e Kosovës. Në këtë anë ka punuar shumë qeveria Thaçi. Ai i ka nënshkruar tërë marrëveshjet anti shtetërore ndaj Kosovës. Nën ombrellën e Thaçit u krijua policia serbe në veri të Kosovës, administrata dhe gjykatat serbe. U ndërtua muri dhe tash po krijohet baza për ndarje me asociacion. Muri dhe treni janë vetëm aktivitete në vazhdën e tillë”, ka thënë Muhamet Kelmendi. Sipas tij, këtë situatë po e shfrytëzon Presidenti Hashim Thaçi.
Pjesëmarrja e Presidentit të vendit Hashim Thaci në dialogun me Serbinë, bisedat e njëpasnjëshme me kryeministrin e e Serbisë Aleksandër Vuçiq, deklarimi se dha urdhrin për ndaljen e trenit me mesazhe provokuese, po vlerësohen si tentime të tij për të rregulluar imazhin. Rritja e tensioneve me Serbinë ka rikthyer në “skenë”, Presidentin Thaçi si protagonist të proceseve të rëndësishme për Kosovën.
Zyrtarët e Qeverisë, nuk janë përgjigjur në pyetjen e gazetës nëse ata e konsiderojnë si tendencë të Thaçit për marrjen e kompetencave të Kryeministrit Mustafa. Muhamet Kelmendi, anëtar i Kryesisë së AAK-së ka thënë për gazetën “Bota sot”, se Serbia po tenton krijimin e gjendjes faktike për ndarjen e Kosovës dhe në këtë ka ndikuar Presidenti Thaçi sa ishte në Kryeministër.
“Kërcënimet e Serbisë janë në vazhdim të veprimtarisë serbe për shkatërrimin e shtetit të Kosovës. Serbia po punon me dy anë. Politikisht duke befasuar gjoja në Bruksel për stabilitet në rajon dhe në drejtim të krijimit të gjendjes faktike për ndarjen e Kosovës. Në këtë anë ka punuar shumë qeveria Thaçi. Ai i ka nënshkruar tërë marrëveshjet anti shtetërore ndaj Kosovës. Nën ombrellën e Thaçit u krijua policia serbe në veri të Kosovës, administrata dhe gjykatat serbe. U ndertua muri dhe tash po krijohet baza për ndarje me asociacion. Muri dhe treni janë vetëm aktivitete në vazhdën e tillë”, ka thënë Kelmendi.
(Tekstin e plotë mund ta lexoni të Hënën në publikimin e shtypur të gazetës kombëtare “Bota sot”)
