Presidenti i Kosovës, Hashim Thaçi përmes një statusi në Facebook ka përkujtuar konferencën e Rambujesë që ka ndodhur 18 vjet më parë.
Thaçi ka thënë që qysh atëherë Kosova ka dëshmuar se është për dialog dhe paqe.
Lexoni më poshtë statusin e plotë të Thaçit:
Konferenca e Rambujesë, 18 vjet më parë, ishte konferenca e parë ndërkombëtare me përfaqësim gjithëpërfshirës të Kosovës.
Edhe atëherë dëshmuam se jemi për dialog dhe paqe, duke besuar në vlerat evropiane dhe në përkrahjen e miqve tanë ndërkombëtarë.
Ne iu kemi qëndruar besnikë këtyre vlerave, të cilat i kemi shndërruar në udhërrëfyes për rolin dhe angazhimin e shtetit tonë si anëtar konstruktiv i bashkësisë ndërkombëtare dhe model për ndërtimin e paqes.
Kjo konferencë ishte pikënisje e çlirimit dhe më pas e pavarësimit të Kosovës.
