“Unë kurrë s'do të besoj se ato 8000 hektarë, nuk janë të Kosovës. Nuk do të ketë komision kurrë që do ta bind një popull se pas 3 shekujsh Çakorri e Zhlebi i kalojnë Malit të zi. Kjo është rrenë e njerëzve që lajnë hesapet e veta”, ka thënë aktori Çun Lajçi.
Raporti final i Komisionit për matjen e territorit të Republikës së Kosovë me qëllim definimin e vijës demaskuese ndërmjet Kosovës dhe Malit të zi, pritet që të premten t`i dorëzohet Qeverisë së Kosovës, për t`u proceduar tutje në Kuvend.
Kështu ka bërë të ditur për gazetën “Bota sot”, Tomorr Qela, zëdhënës i Komisionit për matjen e territorit, pas publikimit të raportit final.
“Nuk e dimë, se si do të vinë hapat menjëherë, mirëpo procedura e rregullt është analizimi i të gjitha vërejtjeve dhe sugjërimeve që vinë prej ndonjë eksperti ose raporteve hulumtuese apo edhe institucioneve përkatëse, nëse do të ketë materiale shtesë do t`i shqyrtojmë, për të ardhur deri te raporti final. Kjo procedurë do të zgjasë deri të premten si dhe do të dorëzohet në Qeverinë e Kosovës”, ka thënë Qela për gazetën “Bota sot”.
Qela ka konfirmuar, se vetëm një anëtarë i Komisionit për matjen e territorit, është dërhequr dhe se këtë e kanë njoftuar edhe zyrtarisht.
“Kjo është rruga që ne do të ndjekim, ndërsa sa i përket dy anëtarëve, unë mund ta konfirmojë, se vetëm një anëtar i komisionit ka dhënë dorëheqje përderisa konfirmohet se i gjithë komisioni që ka punuar për një muaj, përveç atyre që kanë deklaruar që në fillim që nuk vijnë.
(Tekstin e plotë mund ta lexoni të Enjten në publikimin e shtypur të gazetës kombëtare “Bota sot”)
