“Me kalimin e ligjit mbi ekzekutimin e sanksioneve penale, Kuvendi mori hap konkret në luftimin e korrupsionit. Lajm i shkëlqyeshëm (shumë i mirë)” ka shkruar Greg Delawie. Miratimi i ligjit është mirëpritur edhe nga përfaqësuesit e institucioneve për drejtësi.
Pas shumë shtyerjeve për shkak të kuorumit, deputetët e Kuvendit të Kosovës kanë miratuar projektligjin për ekzekutimin e sanksioneve penale, me 63 vota për, asnjë kundër dhe 4 abstenime. Ky projektligj ishte kërkuar edhe nga ambasadorët e shteteve mike, në veçanti ambasadori britanik, Ruair O’Connell dhe ai amerikan, Greg Delawie, të cilët menjëherë ka përkrahur miratimin e këtij ligji duke thënë se është hap konkret për luftimin e korrupsionit. “Me kalimin e ligjit mbi ekzekutimin e sanksioneve penale, Kuvendi mori hap konkret në luftimin e korrupsionit. Lajm i shkëlqyeshëm (shumë i mirë)” ka shkruar Delawie. Miratimi i ligjit është mirëpritur edhe nga përfaqësuesit e institucioneve për drejtësi.
Ehat Miftaraj nga Instituti i Kosovës për Drejtësi, ka pohuar se ndryshimet në ligjin për ekzekutimin e sanksioneve penale, kanë të bëjnë me delegimin e kompetencave.
“Ndryshimet në ligjin për Ekzekutimin e Sanksioneve Penale kryesisht kanë të bëjnë me delegimin e kompetencave lidhur me pezullimin e vuajtjes së dënimit nga personat e dënuar me vendim të gjykatës nga Ministria e Drejtësisë tek gjyqësori. Përmes këtyre ndryshimeve i pamundësohet pushtetit ekzekutiv që të pezullojë ekzekutimin e denimeve të shpallura nga gjykatat ndaj personave të denuar” ka thënë Miftaraj.
(Tekstin e plotë mund ta lexoni të Hënën në publikimin e shtypur të gazetës kombëtare “Bota sot”)
