“Zgjedhjet e parakohshme varen nga dy faktorë. E para, ka mundësi që qeveria (LDK dhe PDK) të kërkojnë nga BE-ja, një kohë më të gjatë për të votuar Demarkacionin, duke u arsyetuar se i duhet kohë për të mobilizuar opinionin, derisa njëkohësisht të marrin liberalizimin e vizave para se ky akt të ratifikohet. Ka mundësi që BE-ja të liberalizojë vizat me kusht që pastaj të ratifikohet marrëveshja dhe kjo marrëveshje do të shkonte në favor të koalicionit në pushtet duke marrë parasysh, se do të jetë shumë e vështirë të mos votohet për demarkacionin, sepse atëherë mbahet përgjegjës për kthim prapa, diçka që kishte ta zgjonte shumë anonimitet tek elektorati”, ka thënë Dimal Basha.
Kryetarët e dy partive më të mëdha në vend, ai i LDK-së Isa Mustafa dhe ai i PDK-së Kadri Veseli, kanë paralajmëruar se këtë javë do të dalë në Kuvend projektligji për ratifikimin e demarkacionit të kufirit me Malin e Zi. Kundër kësaj marrëveshjeje, janë shprehur vazhdimisht opozita, si dhe disa deputetë të partive në pushtet, gjë që kjo do të bëjë që kjo marrëveshje të mos ratifikohet.
E, mos ratifikimi i Demarkacionit bën që ky koalicon qeverisës të prishet dhe vendi të shkojë në zgjedhje të parakohshme. Sipas raportimeve që bëhen, zgjedhjet mund të mbahen më 28 maj ose më 4 qershor. Mirëpo, të gjitha këto raportime, nuk i pranojnë zyrtarët e koaliconit qeverisës.
Këshilltari i Kryeministrit, Isa Mustafa dhe njëherësh zv.ministër i Pushtetit dhe Administrimit Lokal, Bajram Gecaj ka thënë, se zgjedhjet do të mbahen vetëm më vitin 2018.
Pyetur për komentin e LDK-së pas raportimeve, se do të rrëzohet qeveria në fund të muajit prill, Gecaj nuk ka dashur të komentojë më shumë, duke u përgjigjur vetëm se zgjedhjet qendrore do të mbahen në vitin e ardhshëm. “Kosova do të ketë zgjedhje qendrore në vitin 2018” ka thënë Gecaj.
(Tekstin e plotë mund ta lexoni të Marten në publikimin e shtypur të gazetës kombëtare “Bota sot”)