Shumica parlamentare në Kuvendin e Maqedonisë ka zgjedhur sot shqiptarin Talat Xhaferi në postin e kryeparlamentarit.
Por, zgjedhja e Xhaferit ka acaruar protestuesit nga jashtë, të cilët u futën të maskuar në Kuvend dhe rrahën e tërhoqën zvarrë deputetët e LSDM-së dhe ata shqiptarë.
Deri më tani është raportuar për 45 të lënduar.
Duke folur në lidhje me këtë ngjarje, analisti politik Rexhep Shahu, konsideron se është faktorizimi më i madh juridik i shqiptarëve, të marrin postin numër dy të shtetit.
Ai ka thënë se mund të bëhen shumë zhurma, por kjo është arritja më e madhe e shqiptarëve në Maqedoni.
“Ndoshta është edhe faktorizimi më i madh juridik i shqiptarëve duke marrë postin numër dy të shtetit. Mund të bëhen shumë zhurma e shumë lëvizje, por kjo arritje është më e madhja juridikisht”, ka thënë analisti Shahu në një prononcim për gazetën “Bota sot”.
