(E plotësuar) - Balli Kombëtar Demokrat edhe zyrtarisht është larguar nga koalicioni me Aleancën për Ardhmërinë e Kosovës, pas nënshkrimit të marrëveshjes me PDK-në.
Këtë e ka bërë të ditur në një konferencë për media kryetari i saj, Gazmend Islami.
Komunikata e plotë:
Konferencë e shtypit dhënë për media nga Balli Kombëtar Demokrat
Koalicionet e tradhëtisë gjithmonë janë ndërtuar natën, sepse nëntoka funksionon vetëm gjatë natës.
Dikur kishte shumë peshë fjala e burrit. Prandaj, miqësitë dhe partneritetet mes njerëzve e sidomos mes shqiptarëve janë ndërtuar në bazë të fjalës, besnikërisë dhe sinqeritetit.
Ne Balli Kombëtar Demokrat, jemi lëvizja më e vjetër në gjitha trojet shqiptare dhe gjithmonë kemi funksionuar në bazë të vlerave, fjalës, besës dhe sinqeritetit.
Na vije shumë keq që kemi besuar në fjalën e një njeriu që e kemi vlerësuar shumë, dhe nuk kemi besuar kurrë që ky njeri do bëjë pazare të natës dhe të pista, për hir të një posti dhe pushteti.
Lidhja e koalicionit mes partisë tonë dhe AAK-së, respektivisht mes meje dhe kryetarit të AAK-së z.Haradinaj, është ndërtuar për ta shkapur shtetin nga e keqja që e ka kapluar vendin tonë, për ta shporrur klanin Pronto nga pushteti.
Por nuk kemi lidhur koalicion me z. Haradinaj që edhe ne të bëhemi pjesë e klanit Pronto, për hir të kolltuqeve dhe pushtetit.
Balli Kombëtar Demokrat nuk është i etur për pushtet që të bëhet pjesë e klaneve mafioze dhe nuk do të bëhet kurrë.
Prandaj deklaroi që Balli Kombëtar Demokrat largohet nga ky koalicion i turpit dhe klanit Pronto.
Me respekt,
Kryetari i Ballit Kombëtar Demokrat
Gazmend Islami
Ramush Haradinajt i ikin partnerët e koalicionit pas nënshkrimit të marrëveshjes me PDK-në
Lideri i Aleancës për Ardhmërinë e Kosovës, Ramush Haradinaj, gjatë natës së mbrëmshme ka nënshkruar koalicion parazgjedhor me Partinë Demokratike të Kosovës, e ku Haradinaj do të jetë kandidat i këtij koalicioni për kryeministër.
Por, pas marrëveshjes për koalicion me PDK-në, tek kampi Haradinaj kane filluar përçarjet dhe largimet.
Sipas burimeve të “Bota sot”, Balli Kombëtar Demokrat, me kryetar Gazmend Islamin, që kishe koalicion parazhedhor me AAK-në gjatë ditës së stome do të largohet nga ky koalicion.
“Në ora 13 në konferencë për media, kryetari Islami do të bëjë publike tërheqjen nga koalicioni me AAK-në. Ne nuk mund të jemi në një listë me SHIK-un e Kadri Veselin”, ka thënë ky burim për “Bota sot”.