Limaj paralajmëron Haradinajn: Do të shkarkojmë! - Bota Sot
Limaj paralajmëron Haradinajn: Do të shkarkojmë!

Politika

E premte, 24 nëntor 2017

Limaj paralajmëron Haradinajn: Do të shkarkojmë!

Më: 19 maj 2017 Në ora: 21:56
Veseli, Haradinaj, Limaj

Fatmir Limaj, kryetar i Nismës për Kosovën, parti kjo në koalicionin qeverisës me PDK-në e AAK-në, ka deklaruar se me Ramush Haradinaj si kryeministër, do  të ketë llogaridhënie.

Ai tha në televizionin Dukagjini se vetë dhe partia e tij është rreshtuar pas Ramush Haradinajt, si  kandidat për kryeministër, sepse beson në punën dhe vizionin e tij.

Megjithatë ai paralajmëroi se në rast se Haradinaj nuk e kryen punën për të cilin të gjithë i kanë dhënë besimin, atëherë mos të pret diçka tjetër, përveç rrëzimit nga Qeveria.

“Frymën e qeverisë së ndryshimit duhet ta drejtojë z. Haradinaj dhe ne presim nga ai  plotësimin e zotimeve të dhëna”, tha Limaj.

Por ai tha se Haradinaj do të veprojë e funksionojë ndryshe.

“Nëse Kryeministrit nuk i pëlqen kuadri i partnerit në qeveri, ai duhet të kërkojë nga partneri i koalicionit që ta  largojë atë person”, u shpreh Limaj në debat.

“Duhet ta dijë secili se kush është  i zoti i shtëpisë. Ne nuk e mbështesim Haradinaj nëse nuk ka ç’kapje  të shtetit e  zhvillim ekonomik”.

“Duam një Kryeministër që është i aftë të marrë vendime të vështira e të rënda në të mirë të vendit, e jo të bëjë kalkulime se me këtë vendim apo atë, sa vota humbas”.

Limaj më tej dha edhe versionin e tij për arsyet që e shtynë ta rrëzojë Qeverinë e drejtuar nga Isa Mustafa.

“Ne nuk e kemi rrëzuar Isa Mustafën për inat, por thjesht për shkak të papërgjegjësisë sepse për gjithçka në një qeveri, Kryeministri është përgjegjës”.

Komentet
comments powered by Disqus
Sot mund të lexoni Shfletoni kopertinat
Sondazh
    test