Kryetari i Komunës së Drenasit, Ramiz Lladrovci, njëherit anëtar i PDK-së, i ka reaguar Rexhep Selimit të Lëvizjes Vetëvendosje, pasi që ky i fundit ka deklaruar sonte se preferon koalicion me LDK-në për të formuar qeverinë e re.
Lladrovci, i cili në vitin 2004 bashkë me Selimin, kanë qenë pjesë të AAK-së, ka thënë se në cilësinë e Sekretarit Organizativ, ai ishte pro koalicionit të AAK-së me LDK-në, ndërsa Selimi, në cilësinë e Sekretarit të Përgjithshëm, ishte kategorik kundër.
Në postimin e tij në Facebook, Lladrovci ka thënë se vetëm “tatari” e ku se çfarë po ndodh me Rexhën”, shkruan Bota sot.
Reagimi i plotë i Lladrovcit:
Ku do të ndalet Rexha veç tatari e merr vesh.
Në cilësinë e Sekretarit Organizativ, unë isha pro koalicionit të AAK-së me LDK-në, në vitin 2004, Rexhep Selimi, në cilësinë e Sekretarit të Përgjithshëm, ishte kategorik kundër.
Ai preferonte koalicionin me PDK-në dhe Hashim Thaçin, në të kundërtën, thoshte se nëse lidhet koalicion me LDK-në do të japë dorëheqje.
Megjithatë, koalicioni ndodhi kurse Rexha e mbrojti “parimin” e tij, dha dorëheqje nga Aleanca.
Sot, prej më të zëshmëve që partia e tij të hyjë në koalicion me LDK-në, kundër PDK-së është pikërisht njeriu i “parimeve”, Rexhep Selimi.
Çka po ndodhë me Rexhën dhe me parimet e tij, veç tatari e merr vesh!
Kur e pat përnjimend, atëherë apo sot? Edhe këtë e merr vesh veç tatari!/BS
