Edhe pse gazeta “Bota sot”, ka disa ditë që pret të marrë përgjigjie nga AAK lidhur me lidhjen e Haradinajt, ata nuk kanë pranuar të flasin për këtë çështje, duke zgjedhur heshtjen! Në këtë mënyrë ata nuk kanë qenë në gjendje të mohojnë lidhjet e Haradinajt me këta persona, të cilët shihen shumë miqësorë në fotografitë e publikuara së bashku me liderin e AAK-së.
Të nominuarit për kryeministër të Kosovës, nga radhët e koalicionit PAN, dhe njëherit kryetar i Aleancës për Ardhmërinë e Kosovës, Ramush Haradinajt, kanë filluar t’i publikohen foto ku ai shihet me persona të cilët janë të arrestuar në Kosovë, si për vrasje, e po ashtu edhe për trafikim me droge e aktivitete kriminale.
Brenda pak javësh, janë publikuar dy foto ku Haradinaj shihet me dy persona të cilët shteti i Kosovës i ngarkon me vepra të ndryshme kriminale.
Në media u publikua fotografia e Ramush Haradinajt me policin e arrestuar para pak ditësh për trafik me drogë, Shemsedin Geci, ku sipas burimeve të mediave ky i fundit përveç trafikimit me drogë, merrej edhe me trafikim të armeve nga Serbia.
Siç mëson media nga burime brenda Policisë së Kosovës, ky rrjet që merrej me kontrabandë armësh dhe transport të drogës vepron qe më shumë se 4 vite. Geci, kishte lidhje me njerëz të krimit të organizuar që kanë dosje kriminale në Polici.
Rrjeti kriminal i shkatërruar mbrëmë nga Policia e Kosovës, fillonte lidhjen nga Shkodra e kalonte për në Kukës, pastaj në Mitrovicë e deri në Novi Pazar, ku i dërgonte armët dhe drogën. Më pas nga burime brenda Policisë, i njëjti rrjet kontrabandonte naftë nga Serbia për në Kosovë.
Po ashtu, ditë më parë në media u publikua foto e Ramush Haradinajt me Alban Dizdarin, të arrestuarin nga Policia e Kosovës për vrasjen e pjesëtarëve të UNMIK-ut, si dhe pjesëmarrje në trazirat e Marsit të vitit 2004 në Kosovë. Dizdarin, po ashtu në vrasje e implikon edhe një vrasës i penduar, e që së fundi ka filluar të bashkëpunojë me Prokurorinë Speciale.
Alban Dizdari, i cili shihet në foto me Ramush Haradinajn, sipas një raporti të prokurorit italian të EULEX-it, Danilo Cecareli, përmendet si i përfshirë në trazirat e Marsit të vitit 2004 në Kosovë, për të cilat sipas EULEX-it, prapa tyre qëndrojnë krerë të lartë të UÇK-së, shkruan “Bota sot”.
Heshtja e AAK-së
Por edhe pse gazeta “Bota sot”, ka disa ditë që pret të marrë përgjigjie nga AAK lidhur me lidhjen e Haradinajt, ata nuk kanë pranuar të flasin për këtë çështje, duke zgjedhur heshtjen! Në këtë mënyrë ata nuk kanë qenë në gjendje të mohojnë lidhjet e Haradinajt me këta persona, të cilët shihen shumë miqësorë në fotografitë e publikuara së bashku me liderin e AAK-së.
Ndërsa, “Bota sot”, ka pyetur edhe Policinë e Kosovës, lidhur me mundësinë që Haradinajt të hetohet apo të merret në pyetje lidhur me fotot apo lidhjet e tij me personat në fjalë, por edhe ata nuk janë përgjigjur në interesimin e gazetës sonë. Ata kanë hezituar të flasin në lidhje me këtë çështje.
“Truproja e Haradinajt vrau dy policët e Kosovës”
Ndërsa njohësi i çështjeve juridike në vend Jeton Kelmendi, ka thënë se fotografitë më disa të akuzuar apo dyshuar nuk mund të shihet si problem, por problemi esencial është se truproja e Ramush Haradinajt ka vrarë dy policët e Kosovës, Sebahate Tolaj e Isuf Haklaj.
“Në fakt marrja më këtë temë është amnisti i bëmave eventuale të Ramush Haradinaj. Fonogramin nuk e shoh si ndonjë problem, sepse ai mund të jetë një i dyshuar ose një kriminel dhe afrohet në një rast të caktuar dhe benë një fotografi. Problemi është më esencial se sa kush del në fotografi. Një truprojë e Ramush Haradinaj ishte vrasës i dy policeve Sebahate Tolaj dhe Isuf Haklaj dhe mendoj se kjo është tragjike kur rojat e vet Haradinaj kanë bërë vrasje, sepse fotografia është një parametër që mund t’ia prish imazhin por Haradinaj edhe ashtu nuk ka ndonjë imazh të mirë”, ka thënë Kelmendi.
Sipas tij fotografitë nuk duhet të shihen serioze sa bëmat reale të Ramush Haradinaj dhe njerëzve të tij, ku sipas Kelmendit, problemi është që njerëzit që e rrethojnë janë bashkëpunëtorë të tij dhe ata bëjnë vepra jashtëligjore apo kriminale.
Skandal i cili duhet të hetohet
Në lidhje më fotografitë e publikuara ku Ramush Haradinaj shihet me persona të cilët janë të arrestuar në Kosovë për vrasje, dorogë e krim të organizuar, analisti Faton Mehmeti, për gazetën “Bota sot”, ka thënë se nuk është fare çudi që flitet për lidhjet e Ramush Hardinajt me bandat e me njerëz që kanë probleme më ligjin apo njerëz që njihen si gangsterë.
“Është sekret publik se Ramushi ka lidhje të afërta më njerëz të tillë ata e përkrahin dhe e mbështesin sepse përmes tij arrijnë të ruajnë bizneset e tyre ta paligjshme. Bosët kryesor të kazinove janë argat të Ramushit, prandaj edhe rasti i fundit me policin që u zu në flagrancë më drogë është krejt i natyrshëm” ka thënë Mehmeti.
Sipas tij në çdo vend të botes një ngjarje e tillë do shkaktonte skandal dhe do pasonte me hulumtime deri në imtesira, por tek ne nuk pritet të ndodh pasi sipas Mehmetit shteti është i kapur nga klani "pronto" dhe kushdo që behët më ta gëzon imunitet nga ndjekja dhe është mbi ligjin.
Sipas tij, vërtetë ky rast është shokues, skandal dhe si i tillë duhet të hetohet.
Verdiktin ta jap Gjykata
Kurse analisti politik Ali Hertica ka thënë për “Bota sot” se rastet e liderëve politik të cilët shpesh kanë foto me persona të ndryshëm që ndoshta nuk do të donin të ishin në to i’u kjo sjellin mos besim tek sovrani.
“Tani kemi rastin edhe për Haradinajn i cili duket në disa foto më njerëz të tillë ndoshta pa e ditur fare se nga cili kënd po I paraqitet ajo figurë, por vetëm spontanisht një foto me qytetarin apo edhe ndoshta e kundërta e saj. Në çdo shtet apo institucion shtetëror ka njerëz të cilët nuk i duhet shoqërisë por që për qëllime të veta përdorin institucionin apo individin, duke ju bashkangjitur grupeve kriminale” ka thënë Hertica.
Sipas tij rasti i policit i cili dyshohet për qëllimin e krimit duke u marr me çështje tjera antiligjore ku për të gjitha këto verdiktin e fundit do ta jap gjykata e shtetit.
“Por si do që të jetë ndokush duhet të hetohet nga drejtësia po që dyshohet se ka të bëje më shkelje ligjore dhe dëmtim te imazhit të shtetit duke u zhytur në krime ordinere të qëllimshme apo jo, ligji duhet vepruar sipas dispozitave qe ka një shtet kundër krimit të organizuar”, ka përfunduara analisti Ali Hertica.
