Pas vendimit të Këshillit të AKR-së që kryetari i kësaj partie, Behgjet Pacolli të autorizohet që të gjejë zgjidhje për themelimin e institucioneve jashtë koalicionit LAA, nënkryetarja Albena Rashitaj tregoi se si e planifikon zgjidhjen kjo parti.
Ajo tha se Pacolli është i interesuar që vendi të mos mbetet në ngërç politik i cili mund të ketë pasoja të jashtëzakonshme.
“Ne konsiderojmë që Lidhja Demokratike e Kosovës ka ndërruar qasje sa i përket marrëveshjeve të cilat ne i kemi bërë me ta gjatë koalicionit parazgjedhor. Ka disa veprime që ata po i bëjnë duke e anashkaluar AKR-në”, tha Rashitaj.
“Ne jemi ende në koalicion dhe jemi të interesuar që përbrenda koalicionit të gjejmë zgjidhje”, shtoi ajo.
