“Kjo çfarë ka ndodhë, nuk ka fare të bëjë më shtrirjen e institucioneve të drejtësisë atje, por ne realizim të qëllimeve të Serbisë dhe legjitimim të strukturave të saj. Dhe çështja më skandaloze në këtë mes është njohja e aktgjykimeve të organeve ilegale. Kjo është goditje shumëdimensionale për të cilën dikush do të jap llogari. Roli i Thaçit në gjithë ketë proces ka qenë tejet i dëmshëm dhe pyetja që duhet shtruar është pse ka luajtur këtë rol” ka thënë Albulena Haxhiu.
Presidenti i Kosovës, Hashim Thaçi ditë më parë me dekret ka emëruar 40 gjyqtarë dhe 13 prokurorë të rinj të shtetit nga komunitetet jo shumicë, kryesisht të përkatësisë serbe nga veriu i Kosovës. Pas ceremonisë së betimit, menjëherë ka pasur kritika për mënyrën e betimit të gjyqtarëve dhe prokuroreve serbë, për të cilët u tha se nuk janë betuar në bazë të ligjeve në fuqi e as në bazë të Republikës se Kosovës. Vetëvendosje si më kritikja për këto emërime e më pas edhe për betimet e gjyqtareve dhe prokurorëve serbë, përveç që ka kërkuar shpjegime nga Presidenti Thaçi se si janë betuar dhe cila është deklarata e betimit dhe a janë përdorur stemat e shtetit, kanë thënë se Thaçi ka formalizuar kërkesat e Serbisë me emërimin e gjyqtareve dhe prokuroreve serb.
Deputeti Albin Kurti nga Vetëvendosje thotë se presidenti i Kosovës, Hashim Thaçi, është betuar para gjyqtarëve serbë, dhe jo ata para presidentit. Duke u bazuar në dokumentet e publikuara së fundmi, Kurti ka thënë se në to nuk shihet as logo, as memorandum dhe as nuk përmendet Republika e Kosovës apo Kushtetuta.
(Tekstin e plotë mund ta lexoni të Hënën në publikimin e shtypur të gazetës kombëtare “Bota sot”)