Pas dështimit të dy seancave radhazi për ratifikim të demarkacionit, të shtunën u arritën konsensuse ndërmjet partive politike për kalimin e vijës kufitare me Malin e ZI
Ky konsensus u arrit ndërmjet PDK-së, LDK-së, AAK-së, Nismës dhe AKR-së.
Ish deputeti dhe kryetari i partisë Fjala Gëzim Kelmendi në një prononcim për “Bota sot” ka thënë se Kosova duhet të jetë më e vendosur në punët e brendshme të saj.
“Ramush Haradinaj i ka borxh një kërkim falje Mehes sepse ai e ka akuzuar rënd për një marrëveshje e cila cenon integritetin territorial të Kosovës ndërsa sot është promotor vetë kryeministri Haradinaj, I cili vetë po kërkon diçka të tillë që ka kërkuar Murat Meha në 2015”, ka thënë Kelmendi.
Tutje Kelmendi shtoi demarkacioni është kërkesë e padrejtë për liberalizim të vizave.
“Në parim gjithë udhëheqja politike e pasluftës në Kosovë ka përgjegjësi që qytetarët e Kosovës kanë mbetur të izoluar ngase janë dy pengesa kryesore, shkalla e lartë e krimit të organizuar që është shqetësim i Bashkimi Evropian ,dhe e dyta kërkesë është demarkacion që është kusht për liberalizim, dhe unë mendoj që kjo kërkesë nuk është e drejtë ,ngase asnjë vend I cili ka fituar liberalizimin e vizave nuk e ka patur këtë kusht ,madje ka vende në Bashkimin Evropian si Sllovenia dhe Kroacia të cilat nuk e kanë zgjedhë problemin e demarkacionit dhe janë pjesë e zonës Schenge.Faktori ndërkombëtar e kërkon mirëpo nuk do të thotë se gjithçka që kërkon ai duhet të zbatohet, ngase ne e dimë nëse një kërkesë bie ndesh me interesin tonë shtetërore duhet të i tregojmë faktorit ndërkombëtar që nuk e ka mirë, ne duhet ta luajmë rolin e gardianit tonë po të mos ishte vendosmëria e UCK-së për liri nuk do ta fitonin as mbështetjen e NATO-së për ndërhyrje ushtarake ,nëse faktorit ndërkombëtar i tregojmë se jemi të vendosur se Kosova po humb vend atëherë dhe faktori ndërkombëtar do të reflektojë në bazë të kësaj kërkese”, ka përfunduar Kelmendi.