Java e ardhshëm pritet të jetë vendimtare për ratifikim e Demarkacionit, të paktën kjo pritet pas dështimit të dy seancave radhazi, duke mos arritur ende kuorumin për votimin te tij.
Ish deputetja e Kuvendit të Kosovës, nga radhët e Partisë së Drejtësisë, Labinotë Demi –Murtezi, në një prononcim për “Bota sot” ka thënë se kërkesa për korrigjim të demarkacionit të jetë sa me bindëse
“Duke përcjellë me vëmendje zhvillimet e fundit sa i përket çështjes së demarkacionit them se Kosova ka përballë zgjedhjen e vetme për momentin, me mundësi të rishikimit. Mua më vjen mirë për konsensusin e arritur mes partive politike shqiptare në vend ,me mundësinë e hapur të rishikimit në të ardhmen e afërt, bazuar në marrëveshjen bilaterale të presidentëve. Konsiderojë se ky konsensuse duhet të jetë gjithëpërfshirës, që pastaj edhe kërkesa për korrigjimin të jetë sa me bindëse duke e shfrytëzuar si argument pro dhe kontra sikurse raporti i Komisionit Meha, po ashtu edhe ai i Bulliqit”, ka thënë ajo.
Tutje Murtezi komentoi edhe përjashtimin e Agjencisë Kosovare për Akreditim nga EQAR
“Përjashtimi i Agjencisë Kosovare për Akreditim nga organizata EQAR, është gjëja më e padëshirueshme e arsimit në vendi tonë që nga pas lufta. Shtetndërtimi është i pamundur pa cilësi të lartë në arsim,andaj konsiderojë se qeveria, në veçanti ministria e arsimi, duhet të bëjnë gjithë që është e mundur për këtë korrigjim që të kemi sa më pak pasoja. Nuk kam dëgjuar ende një kërkim falje për dëmin dhe shqetësimin e shkaktuar ndaj qytetarëve dhe gjithë vendit, çka po dëshmon gjithnjë e më shumë mungesë transparence dhe llogaridhënie dhe të kësaj qeverie, madje edhe më shumë se qeveritë paraprake”, ka përfunduar Murtezi.