Sot do të mbahet mbledhja e pestë e Kuvendit të Komunës së Prishtinës.
Se a do të shkojë sipas rendit të ditës seanca, duke pas parasysh fërkimet e shpeshta që në takimet e fundit kanë pasur opozita me udhëheqësit e komunës, kjo mbetet të shihet.
Megjithatë, nga pikat e sotme nuk duket që do të mund të ketë kundërshti të forta politike.
Një prej pikave në rendin e sotëm të ditës parasheh të aprovohet vendimi për dhënien në shfrytëzim të pronës së paluajtshme për Ambasadën e Çekisë në Prishtinë.
Ky është rendi i ditës për kuvendarët e Prishtinës.
1. Miratimi i ekstrakteve të procesverbaleve të mbledhjes së tretë dhe të katërt të Kuvendit të Komunës së Prishtinës;
2. Propozim-vendimi për lënie në dispozicion për diskutim publik të Propozim-planit rregullues të hollësishëm “Kalabria” në Prishtinë;
3. Rishqyrtimi i Vendimit për lënie në dispozicion për shqyrtim publik të Propozim-planit rregullues të hollësishëm të lagjes “Kodra e Trimave 1” në Prishtinë;
4. Rishqyrtimi i Vendimit për lënie në dispozicion për shqyrtim publik të Propozim-planit rregullues të hollësishëm të lagjes “Mati 2” në Prishtinë;
5. Rishqyrtimi i Vendimit për miratimin e Planit rregullues të hollësishëm “Sofalia” në Prishtinë 2016-2024;
6. Propozim-vendimi për fillimin e hartimit të Planit rregullues të hollësishëm për blloqet: B 17, B 18, B 19 dhe B 20, të lagjes “Mati 1” në Prishtinë 2016-2024;
7. Propozim-vendimi për dhënien në shfrytëzim të pronës së paluajtshme komunale Ambasadës çeke;
8. Informatë mbi menaxhimin e hapësirave publike dhe parqeve;
9. Pyetje dhe përgjigje;
10.Të ndryshme.
