Në sallën e rektoratit të Universitetit të Prishtinës, sot shënohet 47 vjetori i themelimit të këtij universiteti.
Universiteti i Prishtinës shërben si një nga universitetet më të mëdha në fushën e Kosovës.
Është anëtar i Shoqatës së Universiteteve Evropiane dhe mban kontakte me universitetet dhe institucionet perëndimore evropiane dhe amerikane.
UP u themelua me Ligjin mbi themelimin e Universitetit të Prishtinës, të cilin e miratoi Kuvendi i Krahinës Socialiste të Kosovës më 18 nëntor 1969.
Themelimi i Universitetit të Prishtinës ishte një ngjarje historike për popullin e Kosovës dhe sidomos për kombin shqiptar. Kuvendi themelues i Universitetit të Prishtinës u mbajt më 13 shkurt 1970, kurse dy ditë më vonë , më 15 shkurt 1970 u mbajt edhe mbledhja solemne e Kuvendit dhe data e 15 shkurtit u shpall Ditë e Universitetit të Prishtinës.