Deputeti i Lidhjes Demokratike, Ismet Beqiri e ka pranuar se do të jete kandidat potencial për kryetar të Prishtinës.
Në emisionin ‘Natën me Fatmir Spahiun’, Beqiri ka thënë se nuk do t’i ik përgjegjësisë nëse i jepet mundësia të jetë kryetar i Prishtinës.
Tutje, ai ka treguar se për 50 vite rresht jeton në Prishtinë dhe se e njeh mirë kryeqytetin.
Kujtojmë se Ismet Beqiri ishte kryetar i Prishtinës gjatë viteve 2002-2008.
Zgjedhjet lokale pritet të mbahen në nëntor të këtij viti.