PDK-ja e Prishtinës ka reaguar edhe ndaj deklaratave të zëdhënësit të Komunës së Prishtinës, Adonis Tahiri, i cili është nga Gjilani dhe i punësuar me kontratë të veçantë në Komunën e Prishtinës.
Kryetari i rinisë së PDK-së në Prishtinë, Triumf Sadiku, ka thënë se zëdhënësi i Ahmetit qenka munduar të pështjellë diçka ironizuese për ta tejkaluar dhe fshehur financimin e bandës së Mollotoviqit nga Komuna e Prishtinës.
“Ky i Gjilanit, i ashtuquajturi zëdhënës i Komunës së Prishtinës, i cili gjithashtu është rehatuar me kontratë për shërbime të veçanta te Shpend Ahmeti, qenka munduar të pështjellë diçka demek ironizuese për ta tejkaluar dhe fshehur financimin e bandës së Mollotoviqit nga Komuna e Prishtinës. Hajde zëdhënës i Jahtmetit, publikoje nëse guxon listën e të punësuarve me kontrata për shërbime të veçanta, se ata shefat e tu premtonin transparencë! “, ka shkruar kryetari i të rinjve të PDK-së në Prishtinë.