Dështimi i grusht-shtetit në Turqi i gëzoi disa prizrenas të cilët edhe dolën të festojnë në mbrëmjen e së shtunës, në sheshet e qytetit.
Qytetari Halil Halili, po i jep përkrahje të plotë presidentit turk, Rexhep Taip Erdogan derisa sipas tij, pavarësisht se kush ka qenë organizatori i grusht-shtetit, edhe nëse ata kanë qenë nga Kosova, duhet të ndëshkohen.
Ndërsa, një turk nga Prizreni, po thotë se nuk habitet që qytetarët e Kosovës e duan presidentin e Turqisë.
Por, Zafir Berisha, ligjvënës nga radhët e Nismës për Kosovën që vjen nga kjo anë po e sheh absurde mbështetjen e kosovarëve për të parin e shtetit turk.
