Një studim ka treguar se kivi i ndihmon njerëzit të zhyten në ëndrra të thella dhe kështu gjatë natës të pushojnë mirë, megjithatë ekzistojnë edhe ushqime të tjera me një efekt të ngjashëm.
Mishi i pulës, gjeldetit dhe arrat
Mishi i pulës dhe gjeldetit përmban nivele të larta të triptofanit, i cili e rrit serotoninën. Ushqimet që përmbajnë nivele të larta të triptofanit dhe vitaminës B6 e ndihmojnë organizmin të krijojë melatoninë, një hormon ky i gjumit. Burime të tjera të mira të triptofanit dhe vitaminës B6 janë fasulja, thjerrëzat, djathi, peshku ton, vezët, arrat dhe farat.
Qershitë
Qershitë janë gjithashtu të shkëlqyeshme për gjumë, mund t'i hani të freskëta ose të pini lëngje të bëra nga kjo frutë.
Bananet dhe perimet gjethore
Ushqimi i pasur me kalium dhe magnez ndihmon në relaksimin e muskujve. Burimet e magnezit janë arrat dhe perimet gjethore, ndërsa kaliumi gjendet në banane, patate, kajsi dhe qumësht.
Probiotikët
Probiotikët janë baktere të mira, ndërsa prebiotikët janë ushqim për këto baktere dhe janë po aq të rëndësishme për organizmin e njeriut, transmeton Koha.net. Fibrat probiotike të cilat gjenden në artiçokë i ushqejnë bakteret e mira në organizëm dhe e mundësojnë një gjumë cilësor. Hulumtimi u krye në minj.
Fibrat
Në SHBA u zhvillua një studim në të cilin morën pjesë 26 vullnetarë, dhe u konstatua se ushqimet e pasura me fibra si fasulja, thjerrëzat, manaferrat dhe farërat kontribuan në një gjumë më të mirë. Nga ana tjetër, ushqimet e pasura me yndyra të ngopura dhe pak fibra lidhen me një gjumë më të dobët.
Rëndësi ka edhe kur hani
Të gjithë ata që e hanë një drekë të bollshme të së dielës e dinë shumë mirë që do të ndihen të përgjumur, por ushqimet më të vogla dhe të rregullta janë të rëndësishme për një gjumë të mirë të natës. Ushqimi i bollshëm ndikon në ndryshimin e nivelit të sheqerit në gjak i cili e nxit sekretimin e insulinës, gjë që vepron në mënyrë sedative. Pra, nuk është e rëndësishme vetëm çfarë hani, por edhe kur hani. Sigurohuni që të hani mëngjes dhe kështu ta stabilizoni sheqerin tuaj në gjak dhe ta minimizoni sekretimin e adrenalinës. Në këtë mënyrë do ta përmirësoni sekretimin e melatoninës më vonë.
