E gjithë bota po mban frymën.
A mund të jetë ky rasti kur njerëzimi do ketë kontakt me një anije aliene?
Mund të duket si ajo çmenduria e zakonshme e mediave online, por edhe shkencëtarët më të mëdhenj në botë janë të intriguar.
Vetë Stephen Hawking, i cilësuar si shkencëtari më i madh i gjallë, do të përdorë skanera të teknologjisë së lartë për të zbuluar nëse ky objekt hapësinor në formën e një cigareje, është në fakt një anije alienësh.
Objekti në fjalë është pagëzuar me emrin “Oumuamua” dhe është mbi 300 metra i gjatë.
Mundësia më e madhe është që objekti në fjalë të jetë thjesht një asteroid që vërtitet në sistemin tonë diellor.
Por një grup i madh shkencëtarësh do të mblidhen që të përdorin radio-teleskopin më të madh në botë për të ndjekur rrugëtimin e objektit për dhjetë orë.
Për momentin, shkencëtarët po përpiqen që të përmbajnë entuziazmin e tyre.
Por emri që i kanë dhënë objektit, i tradhton.
“Oumuamua” është një term havajan që do të thotë “një lajmëtar nga larg ka mbërritur”.
Kurse emri zyrtar më pak seksi është A/207U.
