Mbrëmjen e djeshme u dogj automjeti i Igli Kanit, sekretarit të gjyqtares së arrestuar, Enkelejda Hoxha.
Raportohet se dyshohet për zjarrvënie të qëllimshme, ndërsa nuk dihet nëse 28-vjeçari është i përfshirë në skemën e krimit të gjyqtares Hoxha.
Mjeti tip “BMW” është shkrumbuar plotësisht në pjesën e përparme, ndërkohë autoritetet kanë nisur hetimet për zbardhjen e ngjarjes.
Enkelejda Hoxha dhe zyrtarë të tjerë të gjykatës së Krujës u arrestuan pak ditë më parë me kërkesë të SPAK, pasi akuzohen se kishin ngritur një skemë përmes të cilës ulnin dënimet ose lironin nga burgu të dënuar për vepra të rënda penale.
