Një 44-vjeçar ka përfunduar në prangat e Policisë së Durrësit. Dyshohet se pas një konflikti për motive të dobta ai ka qëlluar me armë zjarri në drejtim të banesës së shtetasit E. Sh., 29 vjeç, banues në Durrës.
Korrespondenti i Panorama.al raporton se i autori është shtetasi Saimir Meta. Ngjarja ka ndodhur në lagjen nr.15 në Spitallë, ku autori pasi ka qëllluar me armë është larguar me shpejtësi nga vendi i ngjarjes.
Brenda pak minutash është kapur dhe është shoqëruar në Polici, për veprime të mëtejshme.
NJOFTIMI
Durrës/Informacion paraprak
Qëlloi me armë zjarri në drejtim të një banese, identifikohet dhe brënda pak minutash kapet e shoqërohet në ambientet e Policisë, autori i dyshuar.
Në lagjen nr.15, Durrës, shtetasi S.M., 44 vjeç, duke qarkulluar me automjet, si pasojë e një konflikti për motive të dobta, dyshohet se ka qëlluar me armë zjarri në drejtim të banesës së shtetasit E. Sh., 29 vjeç, banues në Durrës.
Nga të shtënat nuk ka persona të lënduar.
Autori i dyshuar i ngjarjes, pasi ka qëlluar me armë është larguar me shpejtësi por falë reagimit në kohë të shërbimeve të Policisë, brenda pak minutash është kapur dhe është shoqëruar në Polici, për veprime të mëtejshme
Grupi hetimor nën drejtimin e Prokurorisë së Rrethit Gjyqësor Durrës, vijon punën për zbardhjen dhe dokumentimin e plotë të rrethanave të ngjarjes.
