Prezencë e fuqishme e investimeve kanadeze në Shqipëri - Bota Sot
Prezencë e fuqishme e investimeve kanadeze në Shqipëri

Shqipëria

E premte, 26 gusht 2016

Prezencë e fuqishme e investimeve kanadeze në Shqipëri

Më: 14 shtator 2012 Në ora: 17:18

Në Shqipëri operojnë kompani prestigjoze kanadeze në sektorë strategjikë si energjia, minierat, infrastruktura, të cilat kapin një total investimesh që i kalon të 600 milionë dollarët. Për të shfrytëzuar sa më mirë potencialet e mëdha që ofron vendi ynë në këta sektorë ministri i Ekonomisë Edmond Haxhinasto ka ftuar investitorët kanadezë të jenë sa më prezent me investimet e tyre.

"Unë jam optimist se kompanitë kanadeze në Shqipëri kanë një mundësi të madhe për një angazhim të shëndetshëm në sektorët në të cilët kompanitë janë duke operuar aktualisht apo edhe në sektorët e tjerë që do të eksplorohen në të ardhmen.
Dhe sigurisht ka realizëm mbrapa këtij optimizmi, falë burimeve të mëdha që vendi ofron dhe për të cilët ju jeni në dijeni. Kjo është edhe arsyeja që ju jeni këtu, duke qenë prezentë në industrinë energjetike, minerare, agroushqimore dhe shërbimet financiare. Të gjitha këto fusha kanë sfidat e tyre, por unë jam plotësisht i sigurt që do t’i arrijmë qëllimet dhe objektivat tona, edhe me kontributin, ekzpertizën dhe teknologjinë tuaj:-deklaroi Haxhinasto.

Gjatë takimit të Këshillit të Biznesit Kanada-Shqipëri, ministri Haxhinasto theksoi se, biznesi kanadez njeh histori suksesi të investimeve në vendin tone. Sipas tij, konsolidimi i bashkëpunimit dhe përmirësimi i klimës së biznesit në vend, krijon mundësi për investime në sektorë të ndryshëm, si energji, miniera, turizëm, infrastrukturë, e të tjera. Duke iu drejtuar biznesmenëve dhe sipërmarrësve kanadezë, ministri i Ekonomisë nënvizoi rëndësinë e realizmit konkretë të sa më shumë projekteve.

Komentet
comments powered by Disqus
Sot mund të lexoni Shfletoni kopertinat
Sondazh Kush ka të drejtë dhe çfarë duhet të bëj Qeveria me demarkacionin me Malin e Zi?

    Kuvendi duhet ta votojë marrëveshjen për demarkacion me Malin e Zi

    Qeveria duhet ta rishikoj marrëveshjen

    Opozita ka të drejtë që po kundërshton demarkacionin

    Qeveria ka të drejtë për demarkacionin

    Nuk duhet të votohet marrveshja, sepse me demarkacion Kosova humbë tokë

    Shiko rezultatet
test