Presidenti Bajram Begaj ka pritur ditën e sotme anëtarët e Akademisë së Shkencave, përfaqësues të akademive nga vendet e rajonit dhe Evropës si dhe bashkëpunëtorë të Akademisë dhe personalitete të tjera të cilët kanë vizituar vendin tonë me rastin e 50-vjetorit të themelimit të Akademisë së Shkencave.
Presidenti Begaj vlerësoi se ligji i ri për shkencën duhet të nxisë zhvillimin në të gjithë sistemin e kërkimit shkencor të vendit.
“Gjatë pesë dekadave të fundit, Akademia e Shkencave u kthye në një qendër të mendimit shkencor elitar si dhe avancimit të kërkimit shkencor në vend”, thuhet në njoftimin e presidencës.
Begaj theksoi se duhet hapur Akademia ndaj institucioneve kërkimore kombëtare dhe ndërkombëtare, ndaj universiteteve, instituteve e qendrave kërkimore, ndaj organizatave shkencore ndërkombëtare.
