Shkishërim për vrasësit e 'gjakut', Myslimanët mbështesin nismën - Bota Sot
Shkishërim për vrasësit e 'gjakut', Myslimanët mbështesin nismën

Shqipëria

E enjte, 25 gusht 2016

Shkishërim për vrasësit e 'gjakut', Myslimanët mbështesin nismën

Më: 7 tetor 2012 Në ora: 16:49

Dekreti i Mitropolisë së Shkodrës, Sapës dhe Lezhës, për shkishërimin e vrasësve për gjakmarrje është vlerësuar edhe nga Komuniteti Mysliman, të cilët gjakmarrjen e kanë cilësuar si një akt të shëmtuar që duhet dënuar kategorikisht.

Nënkryetari i Komuniteteti Mysliman, Gazmend Aga tha se po vlerësojnë ndërmarrjen e një fushate sensibilizuese për ndalimin e gjakmarrjes duke kthyer besimin në Zot.

“Është me të vërtetë një akt për tu vlerësuar sepse komunitetet fetare dhe feja në përgjithësi duhet të ketë rolin e saj në problemet sociale që ndodhin në vendin tonë, por edhe në përgjithësi. Nëse gjakmarrja është një akt i shëmtuar, i cili nuk ndodh vetëm në vendin tonë, por në shumë vende të botës aty ku mungon besimi. Komuniteti Mysliman është duke vlerësuar fushatën e një ndërmarrjeje të mundshme, duke parë situatën megjithëse ka qënë një problem i hershëm i Shqipërisë në krahina të caktuara po shikojmë që është një akt që po përhapet shumë kohët e fundit, për t’i rikujtuar njerëzve besimin në Zot”- deklaroi Aga.

Nëkryetari i Komunitetit Mysliman më tej shtoi se fenomeni i gjakmarrjes nuk është shumë i përhapur në familjet besimtare myslimane.

“Nuk është një fenomen i përhapur në besimtarët myslimanë, por patjetër që mund të ketë ndonjë rast sepse le të themi se në cdo vend ka keqkuptime të tilla, por është një fenomen shumë pak i përhapur në familjet myslimane.

I kontaktuar nga NEWS24 zëdhënësi i Kishës Ortodokse Shqiptare, nuk ka pranuar të komentojë dekretin për shkishërimin. Dekreti për shkishërim për vrasësit për gjakmarrje, u nxorr nga Mitropolia e Shkodrës, Sapës dhe Lezhës pak ditë më parë pas vrasjeve të njëpasnjëshme të kohëve të fundit, për gjakmarrje. Ai u pa si mundësi për të zhdukur këtë fenomen.

Komentet
comments powered by Disqus
Sot mund të lexoni Shfletoni kopertinat
Sondazh Kush ka të drejtë dhe çfarë duhet të bëj Qeveria me demarkacionin me Malin e Zi?

    Kuvendi duhet ta votojë marrëveshjen për demarkacion me Malin e Zi

    Qeveria duhet ta rishikoj marrëveshjen

    Opozita ka të drejtë që po kundërshton demarkacionin

    Qeveria ka të drejtë për demarkacionin

    Nuk duhet të votohet marrveshja, sepse me demarkacion Kosova humbë tokë

    Shiko rezultatet
test