Ylli Manjani ka reaguar ashpër ndaj Lulzim Bashës, që sipas tij, vijon të mbaje peng vulën e PD-së.
Manjani e quan Bashën një njeri pa tru.
Sipas tij, Lulzim Basha po mban peng PD-në për ta përdorur si alibi në rast të humbjes së Berishës.
Pushteti shkruan ndër të tjera Manjani po e përdor Bashën si letër higjenike.
“Sinqerisht nuk e kuptoj, çfarë pret Lulzim Basha?! Të humbë Berisha keqas zgjedhjet vendore dhe të dalë ky si gjeli në majë të plehut me fjalinë "a ju thashë"?!
Ja ta zëmë se Berisha i humbi keq zgjedhjet dhe u largua nga PD, seriozisht e mendon veten se mund të jetë prap kryetar i demokratëve, ndaj të cilëve ka 1 vit e gjysëm që hedh vrer e madje edhe gaz asfiksues dhe lotsjellës?!
E mendon veten kryetar të demokratëve që i ka marrë peng me një vulë?!
Duhet të jetë bosh, po bosh fare nga trutë e kokës, nëse e mendon vërtetë këtë gjë.
As për vete nuk ka haber, se po të kishte duhet ta kuptonte se duke marrë peng PD zyrtare, ai është thjesht alibia që do përdoret në rast humbje.
Minimalisht, që ti ngjiste fjala duhej ti dorëzonte vulën e PD kryetarit të saj legjitim. Vetëm kështu do të mund ti ngjiste fjala, disi.
Po me pengmarrje e me gjyqe të shtyra me raport mjekësor (këtë punë ka bërë gjithmonë) nuk mbetet dot jo në PD, por as në politikë më.
P.S. Nuk po i shtoj këtij arsyetimi as dështimin kronik të Bashës në krye të PD,as pazaret financiare me Ramën, as lojën me ambasadat e huaja.
Mjafton sa më sipër për të kuptuar se sa i mbaruar është. Ndaj dhe e përdor pushteti si letër higjenike”, shkruan Manjani.
